Finland ပညာရေး

 Finland ပညာရေးလို့ ပြောရင် အားလုံး စိတ်ဝင်စားကြတယ်။ အားလုံး ချီးကျူးကြတယ်။ ဘာ့ကြောင့်လဲ?

................................................................................................................................................................................................

"Finland မှာ ကျောင်းသားဦးရေရဲ့ ၉၃ ရာခိုင်နှုန်းက အထက်တန်း အောင်မြင်ကြတယ်။"

ဒီ ရာခိုင်နှုန်းက ပညာရေး ထိပ်သီးနိုင်ငံတွေဖြစ်တဲ့ U.S. နဲ့ Canada နိုင်ငံ​တွေထက် သာပါတယ်။

"U.S. မှာ ၇၅ ရာခိုင်နှုန်း အထက်တန်းအောင်မြင်ကြပြီး Canada မှာတော့ ၇၈ ရာခိုင်နှုန်း အောင်မြင်ကြတယ်။"

Finland ပညာရေး အောင်မြင်ရခြင်းရဲ့ အဓိကအချက် (၂)ချက်ကို ပြောပါဆိုရင်တော့ သင်ကြားရေး ကောင်းမွန်ခြင်းနဲ့ အစိုးရ ထောက်ပံ့မှု ကောင်းခြင်းကြောင့် ဖြစ်တယ်။

ကျန်တာ​တွရော?

ကျွန်တော်တို့ Finland ပညာရေးစနစ်ကနေ ဘာတွေ သင်ယူနိုင်မလဲ?

ဖတ်ကြည့်ရအောင်!

(၁) Finland မှာ စာမေးပွဲ စစ်ဆေးမှု (Test) တွေ နည်းတယ်။ ရွေးချယ်စရာ Option တွေ ရှိတယ်။

* Finland မှာ ကလေးအသက် (၇)နှစ် ပြည့်မှ Formal education စ,တယ်၊ ကျောင်း စ,ထားရပါတယ်။ တစ်တန်း စ,တက်ရတယ်ပေါ့။

* (၇) နှစ်မှ တစ်တန်း စ,တက်ရခြင်းက နိုင်ငံ အများစုထက် တစ်နှစ် နောက်ကျပါတယ်။ နိုင်ငံတော်တော်များများမှာ (၆) နှစ်မှာ တစ်တန်းစ,တက်ရပါပြီ။ (၅) နှစ်နဲ့ တစ်တန်း စ,တက်လို့ရတဲ့ နိုင်ငံတွေလည်း ရှိပါတယ်။

* Finland က​တော့ (၇) နှစ်မှ တစ်တန်း တက်ရတာကို နောက်ကျတယ်လို့ မမြင်ပါဘူး။ "ကလေးတွေရဲ့ ဦးနှောက်ကို ဖွုံ့ဖြိုးဖို့ တစ်နှစ်ပိုပြီး အချိန်ပေးလိုက်ခြင်းပါ" လို့ ဆိုပါတယ်။

* ကျောင်းစတက်ပြီး ကိုးနှစ်အကြာ၊ (၉) တန်းအရောက်၊ ကျောင်းသားအသက် (၁၆) နှစ်အရွယ်မှာ သူတို့ဘဝရဲ့ ပထမဆုံး Standardised test လို့ခေါ်တဲ့ စာမေးပွဲကြီးကို ဖြေဆိုကြရတယ်။

* Finland မှာ (၉)တန်း ပြီးရင် ရွေးချယ်စရာ လမ်းကြောင်း (၂)ခု ရှိတယ်။

* ပထမတစ်ခုက တက္ကသိုလ်ပညာရေး။

* ဒုတိယတစ်ခုက Vocational education (သက်မွေးပညာရေး)။

* တက္ကသိုလ်ပညာရေးကို ဆက်သွားချင်တဲ့သူက (၉) တန်းပြီးရင် Higher secondary ဆိုတဲ့ (၁၀ တန်း, ၁၁ တန်း, ၁၂ တန်း) သုံးနှစ် ဆက်တက်ရပါတယ်။ အဲ့ သုံးနှစ်ပြီးရင်တော့ တက္ကသိုလ်ဝင်တန်း စာမေးပွဲ ဖြေဆိုရပါတယ်။ ပြီးရင် တက္ကသိုလ်တက်။

* ဒါမှမဟုတ် သက်မွေးဘက်ကို သွားမယ်ဆိုရင်တော့ (၉)တန်းပြီးတာနဲ့ သက်​မွေးသင်တန်းကျောင်းတွေကို တိုက်ရိုက် တက်လို့ရတယ်။ သက်မွေးကျောင်းရဲ့ သင်တန်းကာလကတော့ သုံးနှစ်ဖြစ်တယ်။

(၂) တစ်​နေ့ စာသင်ချိန် အရမ်းမရှည်ဘူး။

* Finland ရဲ့ စာသင်ချိန်တွေက အများအားဖြင့် မနက် (၉)နာရီကနေ စတယ်။ နေ့လည် (၃)နာရီထက် နောက်မကျပဲ ဆင်းတယ်။ တစ်ချို့အတန်းတွေ (၂) နာရီမှာ ဆင်းတယ်။

(၉တန်း နောက်ပိုင်းဆိုရင် အတန်းကြီးဖြစ်တဲ့အတွက် နေ့လည် သုံးနာရီနောက်ပိုင်းမှ ဆင်းတာမျိုးလဲ ရှိတယ်။)

* စာသင်ချိန် တစ်ချိန်နဲ့ တစ်ချိန်ကြား ကျောင်းသားတွေကို အားလပ်ချိန် (break-time) အလုံအလောက်ပေးတယ်။ break-time တွေမှ ကျောင်းသားတွေကို ကိုယ်လက်လှုပ်ရှားမှုတွေ လုပ်ဖို့လည်း အားပေးတယ်။

* ဆရာတွေက စာသင်ချိန်ထက် သင်ခန်းစာ ​ပြင်ဆင်ချိန်

lesson preparation time ပိုများတယ်။

* ကလေးငယ်တွေကို အိမ်စာ လုံးဝ (လုံးဝ) မပေးဘူး။ ဆယ်ကျော်သက် အရွယ်ကနေ စပြီး အိမ်စာပေးတယ်။ ပေးရင်လည်း မိနစ် သုံးဆယ် ပမာဏထက်ပိုပြီး အိမ်စာပေးလေ့ မရှိဘူး။

(၃) စာသင်ကြားမှု အဆင့်မီတယ်။

"Finland မှာ စာသင်ကြားတဲ့ ဆရာ/ဆရာမ ဦးရေက ဘွဲ့ရအားလုံးရဲ့ ဆယ်ရာခိုင်နှုန်းရှိတယ်။"

* ဆရာတွေအားလုံး (မူကြိုကနေ တက္ကသိုလ်ထိ ဘယ်အတန်းကိုပဲ သင်သင်)..... Qualification အနေနဲ့ Master degree ရှိဖို့ လိုအပ်ပါတယ်။ Vocational ပိုင်းတွေမှာတော့ တချို့ကျောင်းတွေမှာ Bachelor ဘွဲ့ရတဲ့ ဆရာ ဆရာမတွေလည်း သင်ကြတယ်။

* OECD^ ရဲ့ 2014 report - EDUCATION AT A GLANCE အရ "၂၀၁၂ ခုနှစ်မှာ Finland ရဲ့ မူလတန်း ကျောင်းသား ဆရာ အချိုးက ၁: ၁၄ ရှိတယ်" လို့ ဆိုပါတယ်။ ကျောင်းသား (၁၄) ယောက်ကို ဆရာ တစ်ယောက်နှုန်းပါ။

* Smithsonian Magazine ရဲ့ ဆောင်းပါးတစ်ပုဒ်အရ "ဆရာ ဆရာမတွေဟာ ကျောင်းသူ/သားတွေကို အထူးဂရုစိုက်ကြတယ်"လို့ဆိုပါတယ်။

တစ်တန်းကနေ ကိုးတန်းထိ၊ ကျောင်းသူ/သားတွေကို ဆရာ ဆရာမတွေကိုယ်တိုင် မေးခွန်းထုတ်ပြီး ကလေးတွေရဲ့ လိုအပ်ချက်အလိုက် individualised assessment တွေ လုပ်ကြပါတယ်တဲ့။

(၄) တူညီတဲ့ ထောက်ပံ့မှုရတယ်။

"Finland ရဲ့ ပညာရေးအသုံးစရိတ်က U.S. နဲ့ ယှဉ်ရင် သုံးပုံ တစ်ပုံပဲ ရှိပါတယ်။"

* ထူးခြားချက်က Finland ရဲ့ အခြေခံပညာရေးမှာ Private School (ကိုယ်ပိုင်ကျောင်းတွေ) အရမ်းအရမ်းကို နည်းပါတယ်။ မရှိသလောက်ပါပဲ။ ကျောင်းအားလုံးနည်းပါးက Public School (အစိုးရကျောင်း) တွေချည်းပါ။

* Finland မှာ မူကြိုကနေ တက္ကသိုလ်အထိ Education Institution အားလုံးကို ကျောင်းလခ (Tuition Fees) ကောက်ခံခြင်း မရှိဘူး။

* ကျောင်းတွေအားလုံးက အစိုးရဆီကနေ တူညီတဲ့ ထောက်ပံ့မှု (Equal Funding) ရကြတယ်။ ကျောင်းတွေရဲ့ Quality လည်း သိပ်ကွာတာရယ်လို့ မရှိဘူး။

*** ဒါ့ကြောင့် Finland မှာ ပညာရေးနဲ့ ပတ်သတ်လို့ စီးပွားရေးစျေးကွက် မရှိဘူး။

* မိဘတွေက ကလေးတွေကို ကိုယ်ကြိုက်တဲ့ ကျောင်းမှာ ထားနိုင်တယ်။ ကျောင်းတွေက Quality သိပ်မကွာတဲ့ အတွက်ကြောင့် မိဘတွေအနေနဲ့ Confuse ဖြစ်စရာ အကြောင်းမရှိဘူး။

* WeAreTeachers.com ရဲ့ ဆောင်းပါးတစ်ပုဒ်အရ "Top student အတော်ဆုံးကျောင်းသားနဲ့ Bottom student လိုအပ်ချက်အများဆုံး ကျောင်းသားရဲ့ ကွာဟမှု gap က ကမ္ဘာမှာ Finland နိုင်ငံက အနည်းဆုံး" လို့ ဆိုပါတယ်။

"ကျောင်းတစ်ကျောင်းမှာ စာသိပ်မလိုက်နိုင်တဲ့ Struggling students များနေရင် တခြားကျောင်းတစ်ကျောင်းနဲ့ ပူးပေါင်းဆောင်ရွက်ပြီး သူတို့ အဖြေရှာကြပါတယ်။" လို့ဆိုပါတယ်။

- စိုးမြင့်ထွန်း စုစည်းတင်ပြသည်

(edtechtimes.com မှ Jennifer Ortakales ၏ "Four strategies to Learn From the Finland Education System" ဆောင်းပါးကို အခြေခံ၍ ရေးသားသည်)

OECD^= Organisation for Economic Co-operation and Development

Image source: Smithsonian Magazine